網媒勁推!?干炒粒粒通究竟有咩特別?
呢排唔少媒體都有報道介紹呢間茶餐廳嘅"干炒粒粒通”,究竟有咩咁特別?
等我哋解鎖專員為大家親身試一試!
干炒粒粒通 $52 (冇餐 只有單點)
呢個可以話乾炒牛河嘅通粉版,但係無牛肉嘅。配料有火腿、紅腸、青椒、洋葱、芽菜。材料上就唔太特別,係食呢間茶餐廳嘅鑊氣。 份量都多,以炒通粉作噱頭係比較特別,試下食都唔錯嘅。但小編個人就鍾意食乾炒牛河多D~因為乾炒通粉唔夠炒河粉入味
白咖喱豬扒飯 $43 (快餐 包熱飲,凍飲加兩蚊)
白咖喱汁嘅味道有啲似葡汁嘅味道,椰奶味比咖喱味重。而豬扒熱辣辣上碟,食落唔會太乾身, 肥瘦適中。小編我反而覺得豬扒比炒通炒吸引。凍奶茶味道就正正常常,一般茶餐廳水準。
其他菜式
係附近返工/居住嚟試下都無妨。不過呢間茶餐廳營業時間比較特別,特別"短"只係去到下午3點鐘,大家留意時間唔好夜晚嚟食!
味道:3.5
價錢:4
環境:3
服務:4.5 (茶餐廳姐姐都幾友善)
整體:3.75
肥仔銘茶餐廳
時間:07:00 - 15:00 (星期一至六)
Comments