8人飯聚食咩好？
- cheuk yin Yip
- 2022年5月11日
- 讀畢需時 2 分鐘
一班人食飯點少得：打邊爐、大排檔、飲茶
打邊爐(1): 一鍋堂
任食火鍋一次過滿足大家想食多款食物嘅慾望！一鍋堂有18款湯底及超過100款配料選擇，唔同價位嘅任食套餐，食平D又得食豪D又得！價錢唔算貴，食物質素都唔錯，係小編同朋友經常打邊爐嘅選擇。不過1張枱坐唔晒8個人，但可安排相鄰位置～
一鍋堂
分店地址：
打邊爐(2)：616火鍋
如果大家唔係好大食，可以選擇食單點火鍋，嗌幾多食幾多！
單點價錢較高，質素當然高質啲😆
打邊爐當然唔少得食牛肉啦😍，呢度有20幾款唔同牛肉部位俾大家選擇，上下多啲口味！
分店地址眾多，詳情可參考616火鍋Facebook
大排檔(1): 楚撚記大排檔 - 新式大排檔
邊個話大排檔環境一定較差？楚撚記大排檔並非室外大排檔，係室內有冷氣環境同朋友食飯都舒服啲🤣，有大枱可以坐到8人1枱！環境設計懷舊模仿舊式大排檔，食大排檔都可以影靚相打卡。
特色食物：豬油撈飯、香煎黑松露手打蓮藕墨魚餅、 麻辣韭菜鴨血
分店地址：
大排檔(2): 愛文生大排檔 - 地道
呢間可以話係香港大排檔老字號，已經營50幾年。食呢間就唔係食環境，因為環境唔靚，係典型街邊大排檔風格。不過地方衞生比較差，大家唔介意地痞就可以試下╴因為食呢間主要食地道正宗大排檔嘅感覺！同鑊氣！
招牌菜：鐵板黑椒豬手、小炒王、椒鹽九肚魚等
飲茶(1): 蓮香樓 - 傳統茶樓
蓮香樓於1926年開業，宜家差唔多有百年歷史～可以話係茶樓老字樓！
以前酒樓流行推車仔賣點心，呢度仲有保留架！可以回味一下細個飲茶嘅回憶
除咗昔日懷舊環境之外，呢度仲有保留唔少傳統點心，其他酒樓未必有得食架。
傳統點心：豬膶燒賣、鵪鶉蛋燒賣、鴨腳扎等
甜品推薦：焗蓮蓉西米露
飲茶(2): 老馮茶居 - 新式懷舊裝修
新式酒樓裝修以懷舊復古風設計，重現昔日香港嘅環境俾大家～嚟食嘢之外仲好啱打卡影相！
店內嘅碗碗碟碟更用好有香港特色嘅雞公碗，飲茶鍾意環境舒適D可以選擇呢間。
雖然裝修較新穎，但主打多款傳統點心， 製作繁複嘅點心都有！
例如：古法千層糕、蛋黃蓮蓉包、 鵪鶉蛋燒賣等
老馮茶居
分店地址：
Comments