伯大尼教堂｜打卡好去處

香港百年古蹟～新哥德式建築風格教堂

飛唔到去外國欣賞歐式教堂👀？其實香港都有類似風格嘅教堂建築😍！位於薄扶林就有個過百年歷史嘅歐式建築⛪ - 伯大尼教堂。1875年建成係香港嘅法定古蹟之一🌟，屬新哥德式建築風格。係唔少新人選擇嘅熱門婚禮場地👰🏻‍♀️！

伯大尼教堂外圍

奶白色嘅外牆、拱門窗口、菱形地磚嘅設計，俾人一種歐陸風情嘅感覺🥰！女士們配搭溫柔文靜嘅衣着係到影相更可以突顯出優雅氣質❤️～仲好啱情侶們拍拖嚟影浪漫相添👩🏻‍❤️‍👨🏻

伯大尼教堂內部

而教堂內部暫唔開放～只可以外面影相📸。俾大家睇下教堂內部嘅相欣賞下先～等疫情結束後再有導賞團/婚禮舉行大家就有機會可以入內。

附近景點特色：演藝學院古蹟校園

而附近仲係演藝學院古蹟校園，建築物都有好有歷史可以順便參觀同影相😆！古蹟經過活化後供演藝學院用作唔同用途，其中伯大尼修院成為演藝學院轄下電影電視學院校舍，昔日牛棚變成惠康劇院、兩個表演場地、一個展覽廳、小教堂及由地下酒窖改建而成嘅法國巴黎銀行伯大尼博物館

伯大尼教堂

地址：香港薄扶林道 139 號

交通：坐970巴士到薄扶林水塘道落車行10分鐘