為食仔海鮮火鍋｜中意食蜆一定要試吓

✨招牌卜卜蜆煲（蒜容）$168

嗌咗佢地個招牌卜卜蜆煲，蜆煲一黎到，真係好震撼🤣啲蜆都唔算細隻，食落都好有鮮味😛配埋佢地蜆煲入面嘅蒜蓉，真係好好食👍🏻😉食落大致都無沙無壞無臭，唔似之前去嗰間** brother（詳情可以睇吓我之前嘅食評），呢間真係令我對蜆重拾信心🥺

飲咗啖佢地嘅湯，飲得出無乜味味精，海鮮嘅鮮味十足，加埋蒜蓉嘅蒜香味，真係好想嗌完飯食！

✨椒鹽三文魚骨腩 $48

另外仲嗌咗個椒鹽三文魚骨腩，椒鹽味好香，食落都啖啖肉，加埋啲炸蒜真係幾正😂可能因為我都好中意食蒜，所以對呢啲真係抵抗唔到🤤

✨波菜 $29

食到呢到，其實都已經飽飽地，佢地嘅蜆煲真係好大煲，兩個人都一定好夠食！我地另外再嗌咗個波菜，份量都幾多吓😧唔似得出面得少少地半籃咁🤭

總括嚟講，呢間野都幾值得一試👍🏻蜆煲都幾有份量，已經仲有好多唔同配料同小食比您揀，同埋都有唔同嘅湯底比您做選擇！如果一大班人嘅話仲可以加多個雞煲添😋之前見佢地都有任食卜卜蜆，不過今次黎就無啦，如果可以再出就好啦！😆另外值得一讚嘅係，叫佢地加水佢地係會加番佢地嘅湯底落去，咁就確保唔會溝淡湯底嘅鮮味啦！

味道：4/5

價錢：4/5

環境：3/5

整體：3.6/5

為食仔海鮮火鍋專門店

地址: 旺角白布街4號地舖